Ljósmyndasafn

Hlynur hefur lengi haft áhuga á að kanna hvernig umhverfið mótar okkur, hversu nátengd við erum náttúrunni og hvernig hún endurspeglar hugsanir okkar og tilfinningalíf. Íslenski klárinn hefur verið órjúfanlegur hluti af íslenskri menningu, vinur mannsins og vinnuþjarkur, í aldanna rás. _Harmljóð um hest_ er að sögn Hlyns sjónrænn sorgarsálmur, eins konar virðingarvottur til íslenska hestsins sem spilað hefur veigamikið hlutverk í mótun og sögu Íslands allt frá landnámsöld. Verkið er að sama skapi hugleiðing Hlyns um hið mannlega og hið náttúrulega, hvernig ólík blæbrigði veðráttu og tilfinninga birtast og breytast frá einni árstíð til annarrar, og andstæðir pólar eins og birta og  myrkur, mýkt og harðneskja, fegurð og ljótleiki móta bæði náttúru og einstaklinga.

"Harmljóð um hest" er  sjónrænn sorgarsálmur, eins konar virðingarvottur til íslenska hestsins sem spilað hefur veigamikið hlutverk í mótun og sögu Íslands allt frá landnámsöld. 

Sýningin var sett upp í Svavarssafni á Höfn í Hornafirði árið 2022 í sýningarstjórn Ástríðar Magnúsdóttur sem er höfundur texta.

Þetta er önnur sýning Hlyns í Ljósmyndasafns Reykjavíkur en sýning hans _Hvítblinda_ var sett upp í Skotinu árið 2011. 

Hlynur Pálmason er fæddur í Reykjavík árið 1984 en ólst upp á Höfn í Hornafirði. Hann lagði stund á ljósmyndun og kvikmyndagerð í Kaupmannahöfn og bjó þar í tólf ár. Hann flutti ásamt fjölskyldu sinni aftur til Hafnar árið 2018 og vinnur þar að skapandi verkefnum innan myndlistar og kvikmyndagerðar. Hann hefur hlotið viðurkenningar hérlendis og erlendis fyrir kvikmyndir sínar: _Vetrarbræður_ (2017) og _Hvítur, hvítur dagur_ (2019) og _Volaða land_ (2022). 


Hlynur Pálmason│Harmljóð um hest

Ljósmyndaserían „Harmljóð um hest“ eftir Hlyn Pálmason, myndlistar- og kvikmyndagerðarmann varpar sjónrænu og grafísku ljósi á rotnunarferli hests í náttúru Íslands.

Hlynur Pálma­son│Harm­ljóð um hest

Ljósmyndaserían „Harmljóð um hest“ eftir Hlyn Pálmason, myndlistar- og kvikmyndagerðarmann varpar sjónrænu og grafísku ljósi á rotnunarferli hests í náttúru Íslands.

Hlynur Pálmason│Harmljóð um hest