Ljósmyndasafn

Sýningin "Hvítblinda" fjallar um fjarlægðir og upplýsingar í mynd og hljóði og hvernig þetta tvennt tengist saman. Bilið á milli þess að vera eitthvað og vera ekki neitt. Bilið á milli þess að vera tónlist og vera hljóð. Bilið á milli þess að vera svart og hvítt.

“Hvítblinda er skuggalaus birta á alhvítum svæðum sem verður til vegna endurkasts ljóss fram og aftur þannig að engan mun sér himins og jarðar.”

Hugmyndin bak við sýningu Hlyns Pálmasonar, Hvítblindu, er að tengja saman hljóð og mynd og leitast þannig eftir að skapa kröftugt andrúmsloft á sýningunni. Hljóðverkin eru unnin af Ásgeiri Aðalsteinssyni, hann er útskrifaður úr LHÍ og stundar nú í mastersnám í tónsmíðum í Amsterdam.

Ljósmyndirnar eru teknar á Íslandi á tímabilinu 2008 – 2011 og eru þær teknar á filmu.

Hlynur Pálmason, sem er frá Höfn í Hornafirði,  er búsettur í Kaupmannahöfn þar sem hann stundar nám í leikstjórn við danska kvikmyndaskólann. Hlynur hefur fengist talsvert við stuttmyndagerð en árið 2009 var mynd hans Jóel valin á eina virtustu stuttmyndahátíð Evrópu í Clermont í Frakklandi.

Sýningin er styrkt af Vinum Vatnajökuls og Skinney Þinganes.


Hlynur Pálmason│Hvítblinda

"Hvítblinda"er yfirskrift sýningar í Skoti Ljósmyndasafns Reykjavíkur með verkum Hlyns Pálmasonar

Hlynur Pálma­son│Hvít­blinda

"Hvítblinda"er yfirskrift sýningar í Skoti Ljósmyndasafns Reykjavíkur með verkum Hlyns Pálmasonar

Hlynur Pálmason│Hvítblinda