Horft til himins, á hvolfi. Ljósmynd: Geir Gunnlaugsson

Ljósmyndasafn

Orðið “hreyfing” má túlka í ljósmynd á mismunandi vegu, til dæmis með því að frysta hreyfingu í mynd, fylgja hreyfingu eftir með myndavélinni, eða taka myndir af ýmsum “hreyfingum” samfélagsins, svo sem verkalýðshreyfingu eða  mótmælahreyfingu. 

Sýnendur í fyrsta þema eru: 

- Dagþór Haraldsson
- Geir Gunnlaugsson
- Ósk Ebenesersdóttir
- Ólafur Magnús Håkansson
- Sveinn Aðalsteinsson
- Þorsteinn Friðriksson


Sýningarnar verða alls sjö með mismunandi þemu. Sýnendur verða fjörutíu og sex talsins og hver sýning stendur yfir í sex vikur. Félagsmönnum var send skoðanakönnun þar sem þeir gátu tilgreint hvernig þemu þeir vildu sjá á sýningunum og fengu eftirtalin þemu flest atkvæði:

- **Hreyfing**  9. janúar – 22. febrúar
- **Landslag** 7. febrúar – 12. apríl
- **Vetrarmyndir** 17. apríl – 31. maí
- **Abstrakt** 5. júní – 19. júlí
- **Götumyndir** 24. júlí – 13. september
- **Svart-hvítt** 18. september – 1. nóvember
- **Vatn** 6. nóvember – 31. desember

Félagar sem taka þátt í þessum sýningum eru margir hverjir búnir að vera í félaginu lengi, aðrir eru að taka sín fyrstu skref í sýningarhaldi. Ástríða fyrir ljósmyndun er grunnur félagsmanna. Allmargir félagsmanna hafa sótt sér menntun í ljósmyndun á námskeiðum hér heima og/eða erlendis. Einstaka félagsmenn eru nemendur í Ljósmyndaskóla Íslands og aðrir fullnuma ljósmyndarar frá Tækniskólanum.




Fókus er félag áhugaljósmyndara á höfuðborgarsvæðinu sem stofnað var árið 1999. Það er frábær vettvangur fyrir fólk sem vill þróa ljósmyndafærni sína og hæfileika. 

[Hér](https://fokusfelag.is/) er hægt að kynna sér starfsemi félagsins.



Hreyfing│Skotið í Fókus árið 2026

"Hreyfing" nefnist fyrsta sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.

Hreyf­ing│­Skotið í Fókus árið 2026

"Hreyfing" nefnist fyrsta sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.

Hreyfing│Skotið í Fókus árið 2026