Af sýningunni "Húsagerð höfuðstaðar 1840–1940 │Saga byggingartækninnar."

Árbæjarsafn

Á árunum upp úr 1840 fór Reykjavík að eflast sem höfuðstaður landsins og þangað voru fluttar helstu stofnanir þjóðarinnar, þar á meðal Alþingi og Lærði skólinn. Þá var einnig farið að huga að skipulagi bæjarins og Byggingarnefnd Reykjavíkur tók til starfa, en hún sá um að útdeila lóðum og byggingarleyfum og gæta þess að byggingarsamþykktum væri fylgt.  

Á árunum upp úr 1840 fór Reykjavík að eflast sem höfuðstaður landsins og þangað voru fluttar helstu stofnanir þjóðarinnar, þar á meðal Alþingi og Lærði skólinn.

Sýningunni er skipt upp í þrjá hluta. Í fyrsta hlutanum er sagt frá hinu sér-reykvíska byggingarlagi steinbæjanna, sem hafa hlaðna langveggi en timburgafla. Í öðrum hlutanum er fjallað um timburhús og sérstaklega tekin fyrir svokölluð sveitserhús eða norsku katalóghúsin, sem voru flutt til Íslands um aldamótin 1900 og settu sterkan svip á miðbæ Reykjavíkur. Þau voru reist á þeim tíma þegar vélvæðing í timburiðnaði hafði hafið innreið sína og íslenskir smiðir höfðu náð góðu valdi á byggingu timburhúsa. Þriðji hlutinn er fjallað um steinsteypubyltinguna. Þar er sjónum beint að funkishúsunum og verkamannabústaðirnir við Hringbraut teknir sem dæmi. Þegar þeir voru byggðir höfðu menn náð góðu valdi á notkun steinsteypunnar og járnbindingu.

Sýningin er samstarfsverkefni Menntafélags byggingariðnaðarins og Minjasafns Reykjavíkur.  Menntafélag byggingariðnaðarins er samstarfsvettvangur fyrirtækja, meistara og starfsmanna í bygginga- og mannvirkjagerð um menntun. Eitt af meginmarkmiðum félagsins frá stofnun þess hefur verið að beita sér fyrir varðveislu eldri og hefðbundinna vinnuaðferða og handverks. 

Sýning þessi er ein af fastasýningum safnsins og stuðningur eða ítarefni við húsin á safnsvæðinu, sem og önnur friðuð hús í Reykjavík.

Húsa­gerð höfuð­staðar 1840–1940 │Saga bygg­ing­ar­tækn­innar

Á sýningunni er farið yfir sögu húsagerðar og byggingartækni í Reykjavík á tímabilinu 1840–1940.

Húsagerð höfuðstaðar 1840–1940 │Saga byggingartækninnar