Árbæjarsafn

Sýningin Í húsi Krists og kappleikja fjallar um sögu hússins sem það er í, frá því það var byggt sem kirkja fyrir kaþólska söfnuðinn á Íslandi. Það var smíðað í Mandal í Noregi og flutt tilsniðið til Íslands árið 1897, þar sem það var reist á Landakotstúni austanverðu, rétt austan við núverandi gatnamót Túngötu og Ægisgötu.

Árið 1929, þegar lokið var byggingu nýrrar steinsteyptrar kirkju á Landakotshæð, var ákveðið að Íþróttafélag Reykjavíkur fengi gömlu kirkjuna gefins. Þá var húsið flutt á nýjan grunn á horni Túngötu og Hofsvallagötu og þar stóð það í yfir 70 ár og þjónaði sem íþróttahús ÍR. 



Árið 2004 hafði húsið lokið hlutverki sínu sem íþróttahús og var þá flutt á Árbæjarsafn þar sem það var endurgert og hefur nú öðlast hlutverk safn- og sýningahúss.

Sýningin er staðsett á kórloftinu og þar má meðal annars sjá steindan glugga frá árinu 1896 sem prýddi húsið þegar það notað sem kirkja. Glugginn var einskonar altarismynd kirkjunnar og sýnir Jesú Krist og hið heilaga hjarta. Aðrir gripir á sýningunni tengjast frjálsíþróttaiðkun ÍR-inga í húsinu.

Í húsi Krists og kapp­leikja

Á sýningunni Í húsi Krists og kappleikja, á efri hæð Landakots, er gerð grein fyrir hinum tveimur ólíku köflum í sögu hússins sem hýsir sýninguna, Landakoti.

Í húsi Krists og kappleikja