Ljósmyndasafn

Myndaserían "Veggurinn" er afrakstur skrásetningar á vegg einum sem umlykur byggingarsvæði í miðbæ Reykjavíkur á eins árs tímabili. Á byggingarsvæðinu stóð til að byggðar yrðu ódýrar íbúðir fyrir ungt fólk í Reykjavík en það hefur staðið tómt og óraskað frá efnahagshruninu. Verkefnið var hugsað sem tilraun til að skrásetja félagslegar aðstæður og fylgjast með þeim pólitísku og efnahaglegu breytingum sem áttu sér stað hér á landi eftir búsáhaldabyltinguna.

Auður veggur í byltingarkenndu félagslegu samhengi mætti túlka sem auðan striga fyrir félagslegt samtal. Á árinu meðan á skrásetningunni stóð var krotað á hann lítillega en mestan part var veggurinn ósnertur og samlagaðist hægt og bítandi borgarlandslaginu. Almenningsrými hafa misst mikilvægi sitt í pólitískri umræðu og sýndarveruleikinn og félagsmiðlar eru hinir nýju veggir fyrir byltingarkenndar hugmyndir og félagsleg samskipti.

Verkið var á sýningunni Ný náttúra / Frontiers of Another Nature í Frankfurter Kunstverein í Þýskalandi árið 2011 og er nú í fyrsta skipti sýnt á Íslandi.

Verkið var á sýningunni Ný náttúra / Frontiers of Another Nature í Frankfurter Kunstverein í Þýskalandi árið 2011 og er nú í fyrsta skipti sýnt á Íslandi.
Á sýningunni mun Ingvar Högni einnig sýna annað verk sem er nýtt af nálinni og kallast Veggir en í því blandar hann saman „hreinni“ náttúru og borgarlandslagi.

Ingvar Högni (f. 1981) lauk BA gráðu í myndlist frá Listaháskóla Íslands árið 2007 og nam einnig við Royal Academy of the Arts í Haag í Hollandi.

Hann býr og starfar í Reykjavík.

Heimasíðu Ingvars Högna má sjá [hér](http://ihragnarsson.com).

Ingvar Högni Ragnarsson│Veggir

"Veggir" er yfirskrift sýningar í Skoti Ljósmyndasafns Reykjavíkur með verkum Ingvars Högna Ragnarssonar.

Ingvar Högni Ragn­ars­son│­Veggir

"Veggir" er yfirskrift sýningar í Skoti Ljósmyndasafns Reykjavíkur með verkum Ingvars Högna Ragnarssonar.

Ingvar Högni Ragnarsson│Veggir