Ljósmyndasafn

Julia tók viðtöl við fjölmarga Íslendinga sem deildu með henni sinni persónulegu reynslu af ákveðnum stöðum og þeim tilfinningum sem þessi ákveðni staður kveikir í brjósti viðmælanda. Í kjölfarið heimsótti hún staðina og tók þá upp á vídeó. Þegar vídeóverkið og persónuleg reynsla einstaklings eru samtvinnuð skapast einlæg og myndræn frásögn. Þegar frásagnar aðferðirnar tvær renna saman, skapa þær þriðju frásögnina; upplifun áhorfandans. 

Í verkum Juliu eru hugtökin fjarvera og nærvera í brennidepli, líf og dauði, rauntími og fjarlægar minningar. Náttúran er allt umlykjandi í verkum hennar, sá fókus hefur gefið henni frjálsræði til að ferðast um heiminn og gaumgæfa hið kunnuglega í ókunnugu umhverfi.  

Julia útskrifaðist með BFA gráðu frá Syracuse University í New York og MFA gráðu frá University of Illinois í Chicago. Hún starfar sem fulltrúi í lista og hönnunardeild Northeastern University.

Meiri upplýsingar má fá á [heimasíðu](https://www.juliahechtman.com/ ) hennar. 

Julia Hechtman │Ekki einu sinni

Verkið "Ekki einu sinni" er yfirskrift sýningar í Skoti Ljósmyndasafns Reykjavíkur með verkum Juliu Hechtman.