Ljósmyndasafn

Ljósmyndaserían _Hagvöxtur_ eftir Kára Meyer inniheldur yfir 100 ljósmyndir af grænmeti og ávöxtum með skrúfum, nöglum og rafmagnsvírum. Hún endurspeglar tilhneigingu stórfyrirtækja til að tæknivæða matinn okkar í hagnaðarskyni með þeim afleiðingum að fjölda afbrigða af ávöxtum og grænmeti hefur fækkað um 93 prósent á 80 ára tímabili.

Verkið veltir upp hugleiðingum um framtíð matvæla og gildi hagvaxtar í heimi þar sem hagvöxtur skyggir oft á vistfræðilega sátt.  

Enski titill sýningarinnar _Egonomic Growth_ er tilvísun í sjálfshyggju mannsins og þessa einokun örfárra stórfyrirtækja sem gengur út á erfðabreytt fræ, eitraðan áburð og varnarefni sem drepa örverur jarðvegsins og ræna hann mikilvægum næringarefnum sem líkami okkar þarfnast. Við virðumst vera þróa með okkur óhóflega rökhyggju og tilhneigingin til að hlutgera náttúruna sem hindrar getu okkar til að skilja og upplifa raunverulegt samband okkar við hana. Út frá þessu hugarfari kemur þörfin til að sigrast á og stjórna náttúrunni eins og hún sé einhver vél sem hægt er að fúskast og bramla í að vild. Þessa þróun mætti líka kalla transhúmanisma sem er trúin eða kenningin um að mannkynið geti þróast út fyrir líkamlegar og andlegar þarfir, með hjálp vísinda og tækni.

Verkið veltir upp hugleiðingum um framtíð matvæla og gildi hagvaxtar í heimi þar sem hagvöxtur skyggir oft á vistfræðilega sátt. Orðin hagkerfi/economy og vistfræði/ecology koma frá sömu rót (eco) sem er dregið af gríska orðinu Oikos, sem táknar jörðina/bústaður. Seinni hluti orðsins (logy/nomy) kemur frá orðinu logos, sem táknar þekkingu/lögmál, sem leiðir til: "þekkingu jarðar”. Þessi tungumálatenging er áberandi áminning um að raunverulegur hagvöxtur felst í velferð pláneturnar okkar - vistkerfum hennar, líffræðilegum fjölbreytileika, fræjum og jarðvegi.

Kári Meyer er sjálflærður ljósmyndari sem býr og starfar í Reykjavík. Vefsíðu Kára er hægt að sjá [hér](https://www.karimeyer.net/). 

Myndirnar eru prentaðar á endurunnið akrýlplast í stærðinni 52 x 63 cm og er aðeins eitt eintak af hverri mynd. 

Kári Meyer│Hagvöxtur

"Hagvöxtur" er yfirskrift sýningar í Skoti Ljósmyndasafns Reykjavíkur með verkum Kára Meyer

Kári Meyer│Hag­vöxtur

"Hagvöxtur" er yfirskrift sýningar í Skoti Ljósmyndasafns Reykjavíkur með verkum Kára Meyer

Kári Meyer│Hagvöxtur