Katarina Skjønsberg│Be Good To Yourself

Ljósmyndasafn

Dagana 20.-28. október 2016 verður til sýnis á Ljósmyndasafni Reykjavíkur ljósmyndabókin Be Good to Yourself eftir norska ljósmyndarann Katarinu Skjønsberg en hún er handhafi Nordic Dummy Award 2016. Einnig má sjá úrval bóka úr samkeppninni sem vöktu sérstaka athygli dómnefndarinnar, samtals tíu bækur. Að mati dómnefndar er bók Skjønsberg vel útfærð, fersk og margbreytileg. Bókin vekur upp margar spurningar hjá lesandanum en ljósmyndarinn er óhræddur við að flétta sinni persónu við efni bókarinnar.

Fotogalleriet í Osló hefur veitt Nordic Dummy Award verðlaunin síðan árið 2012 í tengslum við Ljósmyndabókahátíðina í Osló (FFO). Þátttaka í samkeppninni er opin listamönnum á Norðurlöndunum en umsóknarfrestur er til 15. júní ár hvert. Þátttakendur senda inn prufueintök af ljósmyndabókum sem metin eru af dómnefnd fagfólks og ljósmyndara. Úrval bóka ásamt vinningsbókinni eru sýnd á Ljósmyndabókahátíð í Osló á hverju hausti og í kjölfarið á sérvöldum ljósmyndasöfnum á Norðurlöndunum. Í verðlaun eru útgáfa á vinningsbókinni af Kehrer Verlag í Heidelberg og er sú útgáfa sérstaklega kynnt á Ljósmyndabókahátíð í Osló ári síðar.

Þetta er í fyrsta sinn sem verk verðlaunahafa eru sýnd á Íslandi. Ljósmyndasafn Reykjavíkur er heiður að vera hluti af sýningarferð Nordic Dummy Award og er kynning á þeim gott innlegg í vaxandi útgáfu ljósmyndabóka hér á landi.

Sýningin er opin mánudaga–föstudaga kl. 10-16.

Katarina Skjøns­berg│Be Good To Your­self

Ljósmyndabókin: Be Good to Yourself eftir Katarinu Skjønsberg handhafa Nordic Dummy Award 2016

Katarina Skjønsberg│Be Good To Yourself