Ljósmyndasafn

Myndir hans sýna jökulform sem titill sýningarinnar vísar til – ægifögur en um leið ógurleg. 
„Skriðjöklarnir eru útverðir jöklana, þar vakna risarnir og rísa reistir til himins eftir milljón ára svefn. Rumskandi risum fylgir mikil fyrirferð og hávaði.“ 
Markmið Kristjáns með sýningunni er að veita áhorfandanum innsýn inn í hverfandi veröld íshalla þar sem hinir „sofandi risar“ myndast og hverfa jafnharðan. 


„Skriðjöklarnir eru útverðir jöklana, þar vakna risarnir og rísa reistir til himins eftir milljón ára svefn. Rumskandi risum fylgir mikil fyrirferð og hávaði.“ 

„Loftslagsbreytingar eru stærsta ógnin við tilveru okkar. Þær eru stöðugar og alls staðar, og umlykja líf okkar. Ekki bara þegar við erum vakandi heldur líka  um nætur þegar við sofum. Jöklarnir okkar á norðurhveli jarðar virka sem loftvogir út frá hlýnun jarðar.  Þegar við sofum eiga loftslagsbreytingar enga hvíld.“ 


Kristján hefur einnig gefið út  tvær eftirtektarverðar bækur. Í annarri þeirra kannar hann eldfjallið Þríhnúkagíg á eftirtektarverðan hátt og kafar ofan í fegurð og jarðfræðilega þýðingu þess öfluga náttúrufyrirbæris. Hún hefur hlotið mikið lof og er talin gefa góða innsýn og dýpri skilning á þeim öflum sem móta dramatískt landslag Íslands.

Kristján Maack lauk ljósmyndanámi árið 1993 frá Brooks Institute of Photography í Santa Barbara í Kaliforníu. Hann hefur síðan starfað við ljósmyndun og myndað fyrir fyrirtæki, auglýsingastofur og útgáfufyrirtæki á Íslandi og víðar. 


Kristján hefur tekið þátt í ýmsum samsýningum hér heima og erlendis. Verkefnin hafa verið af ýmsum toga og hafa endurspeglað tíðarandann á hverjum tíma. Jafnframt störfum sínum fyrir viðskiptavini hefur Kristján alltaf myndað sín eigin verkefni og seríur sem ratað hafa í listasöfn og bækur víða um heim. Verk hans hafa hlotið víðtæka viðurkenningu bæði hér á landi og á alþjóðavettvangi, sem hefur skilað honum orðspori sem einum af fremstu ljósmyndurum á Íslandi. 

- [www.kmaack.is ](https://www.kmaack.is/)

- [https://www.instagram.com/kmaack/ ](https://www.instagram.com/kmaack/#)

Kristján Maack│Sofandi risar

Á sýningunni "Sofandi risar" kynnumst við persónulegri sýn ljósmyndarans Kristjáns Maack á hlýnun jarðar og aðrar loftslagsbreytingar í heiminum.

Kristján Maack│­Sof­andi risar

Á sýningunni "Sofandi risar" kynnumst við persónulegri sýn ljósmyndarans Kristjáns Maack á hlýnun jarðar og aðrar loftslagsbreytingar í heiminum.

Kristján Maack│Sofandi risar