Laimonas Dom Baranauskas│Árin á milli

Ljósmyndasafn

Sú hugmynd um að fegurð sé einungis bundin við ungt fólk er lífseig í samfélaginu. Markmið Laimonas Dom Baranauskas með sýningunni „Árin á milli“ er að storka þessari hugmynd með því að sýna þá fegurð og sérstöðu sem aldurinn færir fólki. 

Um er að ræða portrett af fimm konum á aldrinum frá um fimmtugt til áttræðs. Til að ná fram tímalausum einkennum í mannsandlitinu tók Laimonas portrettin í svarthvítu sem undirstrikar vel svipbrigði og andlitsdrætti þeirra  fyrr og nú. Hann tók eina mynd af hverri konu sem hann svo skeytti saman við gamalt stúdíó portrett af viðkomandi og þannig verður til 30 – 60 ára bil á milli tveggja portretta. Með þessari aðferð skoðar Laimonas hugtakið að eldast og það sést hvernig andlitsdrættir okkar breytast með tímanum. Með þessu móti sést einnig að eftir sem áður helst ásjóna okkar svipuð þó tímanum vindi fram.   

Sú hugmynd um að fegurð sé einungis bundin við ungt fólk er lífseig í samfélaginu. Markmið Laimonas Dom Baranauskas með sýningunni „Árin á milli“ er að storka þessari hugmynd með því að sýna þá fegurð og sérstöðu sem aldurinn færir fólki. 

Kveikjuna að verkefninu er að finna í æsku Laimonasar þegar hann varð hugfanginn af gömlum myndaalbúmum foreldra sinni með myndum teknum á augnablikum úr lífi þeirra, einkum skólaljósmyndum af þeim, margar hverjar voru gjafir með handskrifuðum hamingjuóskum á bakhliðinni. Þegar hann fór að skoða þessi myndaalbúm löngu síðar tók  eftir hvernig foreldrar hans breyttust, hvernig hárið tók að grána og hrukkur komu fram. Hann varð innblásinn af þessari uppgötvun sinni og það varð lokaverkefni hans í  Tækniskólanum árið 2022. Út frá fjölþættri þekkingu sinni í stúdíóljósmyndun og myndvinnslu, uppgötvaði hann að hann gæti sýnt hvernig tíminn líður á myndrænan hátt í andlitsmyndum. Með því að láta gamlar stúdíóljósmyndir úr gömlum myndaalbúmum renna saman við nýteknar myndir og skipta út upprunalegu lýsingunni á vandvirknislegan hátt varð honum kleift að sýna þau djúpstæðu áhrif sem tíminn hefur á andlit fólks og um leið afhjúpa hinn varanlega, óbreytanlega kjarna. Á sýningunni býður hann áhorfandann að velta fyrir sér tímalausu eðli mannkynsins í hinum síbreytilega lífsins flaumi.

Laimonas er fæddur í Litháen en hefur búið á Íslandi frá árinu 2010. Hann lauk námi í ljósmyndun frá Tækniskólanum í desember árið 2022. Hann hefur rekið ljósmyndastúdíó sitt Sunday & White Studio frá árinu 2014 í Reykjavík þar sem hann er búsettur. 

Heimasíðu hans má sjá [hér](https://www.sundayandwhitestudio.com/)



Laimonas Dom Baranauskas│Árin á milli

"Árin á milli" er yfirskrift sýningar í Skoti Ljósmyndasafns Reykjavíkur með verkum Laimonas Dom Baranauskas