Aðalstræti

Við götuna stóðu mörg og merkileg hús eins og sést á líkani sem er á sýningunni af Kvosinni eins og hún leit út árið 1906. Dregnir eru fram þættir úr sögu Reykjavíkur og ljósi varpað á daglegt líf íbúanna og tíðarandann í aldanna rás. Eldri hluti sýningarinnar var opnaður árið 2006 og nefndist þá Landnámssýningin 872+/- en fékk seinna heitið „Landnámssýningin - Lífið á landnámsöld“. 

Þar er fjallað um landnám í Reykjavík byggt á fornleifarannsóknum sem fram hafa farið í miðbænum. Miðpunktur sýningarinnar er skálarúst frá 10. öld, sem fannst þegar grafið var fyrir nýju húsi á horni Aðalstrætis og Túngötu. Búið var í skálanum frá því um 930 til 1000. Norðan við skálann fannst veggjarbútur sem er ennþá eldri, eða frá því um eða fyrir 871 og eru það elstu mannvistarleifar sem fundist hafa á Íslandi. 

Dregnir eru fram þættir úr sögu Reykjavíkur og ljósi varpað á daglegt líf íbúanna og tíðarandann í aldanna rás.

Margmiðlunartækni er notuð til að útskýra byggingarlag húsa á víkingaöld. Einnig er hægt að skyggnast inn í skálann með hjálp tölvutækni og ímynda sér hvernig lífi heimilisfólksins var háttað. Reynt er að gefa hugmynd um umhverfi Reykjavíkur eins og það var við landnám. Þá eru sýndir munir sem fundist hafa við fornleifauppgröft í miðbæ Reykjavíkur.

Vorið 2022 var opnuð viðbót við Landnámssýninguna í næsta húsi, Aðalstræti 10. Sem framhald af henni er þar rakin saga byggðar í Reykjavík allt frá landnáminu til samtímans. Sagan drýpur af hverju strái í Aðalstræti 10 sem er eitt elsta hús borgarinnar og var reist árið 1762 fyrir Innréttingar Skúla  Magnússonar landfógeta. Síðar bjó í húsinu biskupinn yfir Íslandi, sr. Geir Vídalín og hluti sýningarinnar er tileinkuð honum með „Kontóri biskups“. 

 Sagan drýpur af hverju strái í Aðalstræti 10 sem er eitt elsta hús borgarinnar og var reist árið 1762 fyrir Innréttingar Skúla  Magnússonar landfógeta. 

Einnig má sjá á sýningunni uppstillingu af nýlenduvöruverslun Silla & Valda sem rekin var í húsinu á árunum 1927-1975 og margir muna enn eftir ásamt því að öðrum veigamiklum þáttum í sögu borgarinnar eru gerð skil. 


Komdu með og vertu samferða okkur á rölti um Aðalstræti í tíma og rúmi og hittu fyrir Reykjavíkinga þá og nú.

Landnámssýningin – lífið á landnámsöld

Landnámssýningin í Aðalstræti 16 byggir á skálarúst sem varðveitt er á upprunalegum stað. Beint framhald af henni var opnað árið 2022 í næsta húsi, Aðalstræti 10, og er ætlað að sýna þætti úr sögu Reykjavíkur frá landnámi til dagsins í dag.

Land­náms­sýn­ingin – lífið á land­námsöld

Landnámssýningin í Aðalstræti 16 byggir á skálarúst sem varðveitt er á upprunalegum stað. Beint framhald af henni var opnað árið 2022 í næsta húsi, Aðalstræti 10, og er ætlað að sýna þætti úr sögu Reykjavíkur frá landnámi til dagsins í dag.

Landnámssýningin – lífið á landnámsöld