Ljósmyndasafn

Við Íslendingar búum svo vel að eiga einstaklega fallegt land þar sem fjölbreytt landslag ber fyrir augu. Bæði í öllum sínum hrikaleika, fegurð næturmyrkursins og hinum fíngerðu og einföldu formum. Ljósmyndarar í þessu þema fanga hér nokkur tilbrigði.

Sýnendur í öðru þema eru:

- Guðjón Ottó Bjarnason
- Gunnlaugur Júlíusson
- Ingibjörg Óskarsdóttir
- María Lóa Friðjónsdóttir
- Óli Elvar Einarsson
- Páll Þórir Daníelsson
- Þorkell Sigvaldason





Kynningarmynd: "Af hesti og fjalli", 2019. Ljósmynd: Þorkell Sigvaldason
 

Sýningarnar verða alls sjö með mismunandi þemu. Sýnendur verða fjörutíu og sex talsins og hver sýning stendur yfir í sex vikur. Félagsmönnum var send skoðanakönnun þar sem þeir gátu tilgreint hvernig þemu þeir vildu sjá á sýningunum og fengu eftirtalin þemu flest atkvæði:


- **Hreyfing**  9. janúar – 22. febrúar 
- **Landslag** 27. febrúar – 12. apríl
- **Vetrarmyndir** 17. apríl – 31. maí
- **Abstrakt** 5. júní – 19. júlí
- **Götumyndir** 24. júlí – 13. september
- **Svart-hvítt** 18. september – 1. nóvember
- **Vatn** 6. nóvember – 31. desember


Félagar sem taka þátt í þessum sýningum eru margir hverjir búnir að vera í félaginu lengi, aðrir eru að taka sín fyrstu skref í sýningarhaldi. Ástríða fyrir ljósmyndun er grunnur félagsmanna. Allmargir félagsmanna hafa sótt sér menntun í ljósmyndun á námskeiðum hér heima og/eða erlendis. Einstaka félagsmenn eru nemendur í Ljósmyndaskóla Íslands og aðrir fullnuma ljósmyndarar frá Tækniskólanum.

Fókus er félag áhugaljósmyndara á höfuðborgarsvæðinu sem stofnað var árið 1999. Það er frábær vettvangur fyrir fólk sem vill þróa ljósmyndafærni sína og hæfileika. 

[Hér](https://fokusfelag.is/) er hægt að kynna sér starfsemi félagsins.



Landslag│Skotið í Fókus árið 2026

"Landslag" nefnist önnur sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.

Lands­lag│­Skotið í Fókus árið 2026

"Landslag" nefnist önnur sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.

Landslag│Skotið í Fókus árið 2026