Lars Tunbjörk│Heima / Ríki í uppnámi

Ljósmyndasafn

Þessar myndaraðir tilheyra þríleik sem hófst með bókinni Ríki í uppnámi frá 1993 (Landet utom sig) en hún er þegar orðin klassísk. Í þessum verkum verkum hefur Lars Tunbjörk skoðað veruleika okkar daga eins og hann birtist í starfi og leik, á opinberum vettvangi og nú síðast á heimilinu.

Tunbjörk hefur rannsakað og ljósmyndað samfélagið eins og það hefur þróast síðustu tvo áratugi og eiga verk hans sér enga hliðstæðu í sænskri ljósmyndun. Á þessu tímabili var hinu sænska velferðarríki rótgróinna hefða og rígbundins skipulags umturnað svo úr varð auðvaldssinnað og alþjóðavætt neyslusamfélag þar sem blái og guli liturinn í þjóðfánanum eru ekki þekkjanlegir lengur. 

Fáir sænskir ljósmyndarar hafa haft eins víðtæk áhrif á starfsbræður sína á jafn stuttum tíma og Lars Tunbjörk gerði með myndafrásögnum sinni í _Stockholms-Tidningen, Metallarbetaren, Månadsjournalen_ og _Upp&Ner_. Í kjölfar útkomu bókarinnar _Ríki í uppnámi_ hlotnaðist Tunbjörk svo einnig alþjóðleg viðurkenning.  Í seinni tíð birtast reglulega myndir eftir hann í helstu tímaritum heimsins og má segja að _New York Times Magazine_ sé hans helsti miðill.


Lars Tunbjörk│Heima / Ríki í uppnámi

Sýningin samanstendur af verkum úr myndaröðunum „Ríki í uppnámi” og „Heima“.