Lauga vegurinn - Gengið á vit sögunnar

Ljósmyndasafn

START ART listamannahús stendur fyrir viðburðinum sem er á dagskrá Listahátíðar 2009. Myndirnar á sýningunni eru allar úr safneign Ljósmyndasafns Reykjavíkur.


Þetta er um það bil 30-40 mínútna gönguferð og veitist létt öllum frá 8 – 80 ára. Gangan hefst við útitaflið á Lækjartorgi kl. 13 og endar inni við gömlu þvottalaugarnar þar sem þvottagjörningurinn heldur áfram með kaffiívafi  og trommuslætti til ca 15:00. Göngufólk tekur með sér (eða fær við útitaflið) flík eða þvott sem það ber á táknrænan hátt í einum samfelldum straumi upp Laugaveginn. Samhliða göngunni  munu 37 myndlistarmenn varða leið hennar með verkum sínum og leiklistarnemar gleðja augu og eyru. Auk þess munu kórar syngja og lúðrasveitir hljóma og skúringarkona heimsins tekur til hendinni. 

Í Laugardal flytur Nýlókórinn gjörning ásamt Weird Girls og þvottaglöðum Reykvíkingum.  Þar mun hin sérstæða hljómsveit _Parabólur_ berja bumbur og Karl Ágúst Úlfsson leiða trommuhring, spilað verður á harmónikkur og steina og ýmislegt fleira verður á seyði þennan mikla þvottadag. Vonandi mæta sem flestir til að heiðra minningu þvottakvennanna sem urðu til þess að Laugavegurinn varð til, því mikilvægt er að þessari vitneskju um uppruna hans sé haldið lifandi í menningarvitund borgarbúa, ungra sem aldinna. 

Að verkefninu standa 6 myndlistarmenn sem saman reka listamannahúsið START ART við Laugaveg 12b, 101 Reykjavík .                       


Lauga vegurinn - Gengið á vit sögunnar

Sýningin "Lauga vegurinn - gengið á vit sögunnar" er sett upp í Skotinu í tengslum við samnefnda uppákomu sem mun fara fram laugardaginn 23. maí 2009 og er tileinkuð þvottakonum sem gengu inn í Laugardal og Laugavegurinn var lagður gagngert fyrir.