Árbæjarsafn

Á sýningunni má sjá fjölda leikfanga frá ýmsum tímum í vörslu Borgarsögusafns Reykjavíkur. Þetta er upplifunarsýning með áherslu á sköpun, ímyndunarafl og skemmtun. 



Búðarleikur hefur lengi verið vinsæll. Fyrir daga kjörbúða og stórmarkaða var mest verslað í litlum hverfirsbúðum þar sem búðarfólkið afgreiddi yfir borð, t.d. í Lúllabúð á Hverfisgötu.

Leikföngin á sýningunni eru ekki bara til að horfa á heldur má leika sér að dóti frá ýmsum tímum í tímastöðvum þar sem endurskapað hefur verið andrúmsloft tómthúss í Reykjavík snemma á 20. öld, betri borgara heimilis frá um 1930, hippaheimilis frá áttunda áratugnum og barnaherbergja um 1990. Hægt er að fara í búðarleik í Lúllabúð sem er frá um 1950 og einnig er hægt að bregða á leik í leikhúsi og brúðuleikhúsi.

Sýningin er ein af fastasýningum safnsins og er staðsett í safnhúsinu Landakoti / ÍR-húsi.

Komdu að leika!

Sýningin Komdu að leika ! fjallar um leiki og leikföng barna í Reykjavík á 20. öld. Varpað er ljósi á fjölbreytileika og þróun leikfanga og hvernig leikir endurspegla samfélagið á hverjum tíma.