Árið 2008 dvaldi Lisa á Suðurskautslandinu um tveggja mánaða skeið þar af rúman mánuð í tjaldi, en hún hlaut styrk úr verkefnisáætlun sem listamenn og rithöfundar fá úthlutað úr á vegum ríkisvísindasjóðs Suðurskautslandins.  _Öfgar heimskautanna_ sem er afrakstur þessarar dvalar, dregur upp mynd af hinni viðkvæmu fegurð Suðurskautsins og hversu mikla þýðingu það hefur fyrir áframhaldandi búsetu manna á jörðinni. Í ferð sinni skrifar Blatt eftirfarandi í dagbók sína: 

...það að vera á þessum jökli er eins og að vera á tunglinu, þögult, friðsælt, sterkt, leyndardómsfullt, fallegt, fjölbreytt og átakanlegt. Við förum ýmist úr eða í yfirhafnir á göngu okkar, stoppum svo, það tekur í vindinn og lægir svo. Hversu margir hafa verið svo gæfusamir að standa þar sem við stöndum, sjá það sem við sjáum, skynja umfang þessa staðar?

Í verkum sínum skoðar Blatt hvernig skilgreina má landslag eftir því sem er ekki sýnilegt, því sem er minning eða ummerki eins og sögulegir atburðir með  engum sjáanlegum sönnunargögnum líkt og geislun eftir sprengjur. Hún rannsakar hvar kyrr- og hreyfimyndir mætast og um leið náttúran, menningin, skynjunin og hin pólitíska og sögulega skírskotun staðarins. Verkin tengja hið hlutlæga og skynjanlega – hvernig sjá má landslag (bæði náttúrulegt og menningarlegt) sem og hvernig landslag getur táknað bæði það að vera til og vera ekki til, nærveru og fjarveru, óendanleika og endanleika.

Ljósmyndir og myndbandsverk Lisu K. Blatt hafa verið sýnd víða innan Bandaríkjanna og víða um heim, þar á meðal: Sound Design for Future Films, Moderna Museet, Stokkhólmi, Svíþjóð  (2008), the Shanghai Biennial (2007) Museum of Contemporary Art, Shanghai, Recognise, Contemporary Art Platform í London, England og  Paranoia í Freud Museum í London, England 2007; og Proyecto Circo á áttundu Havana Biennial ,Havana, Kúbu.  “Night Light”,  Mills College Art Museum. (2008). Particulate Matter, First Look, Sean Kelly Gallery í New York og New Landscape Photography, Baxter Chang Patri Fine Arts í San Francisco. 

Lisa K. Blatt  býr og starfar í San Francisco, Kaliforníu.

Vefsíðu hennar má sjá [hér](http://www.lisakblatt.com/html/home.html).


Lisa K. Blatt│Öfgar heimskautanna

"Öfgar heimskautanna"er yfirskrift sýningar í Skoti Ljósmyndasafns Reykjavíkur með verkum Lisu K. Blatt

Lisa K. Blatt│Öfgar heim­skaut­anna

"Öfgar heimskautanna"er yfirskrift sýningar í Skoti Ljósmyndasafns Reykjavíkur með verkum Lisu K. Blatt

Lisa K. Blatt│Öfgar heimskautanna