Ljósmyndasafn

Kyrrð, ofsafengnir snjóstormar og tindrandi norðurljós urðu Ng Hui Hsien innblástur við sköpun myndraðarinnar Byrði hismisins. Verkið er ekki raunsönn birtingarmynd á landslagi og náttúru, fremur tilraun listamannsins til að fanga tilfinningar sem kviknuðu í undirmeðvitund hennar við náttúruskoðun. Eða með hennar eigin orðum: „Ég fer yfir þær hugsanir og tilfinningar sem koma upp á yfirborðið þegar ég kyrri hugann. Það ferli er ferðalag uppgötvunar.“

Ng Hui Hsien dvaldi á Húsavík árið 2015. Hún fór reglulega ein í gönguferðir í leit að hugarró, vopnuð myndavél og varð fyrir sterkum áhrifum af íslenskri náttúru og kyrrðinni sem hún upplifði.

Ng Hui Hsien vinnur sem listamaður og rithöfundur. Í list sinni kannar hún ýmis þemu s.s. meðvitund, raunveruleika og tengsl milli lifandi vera. Hún er menntuð í félagsfræði en hefur snúið sér að ljósmyndun í auknu mæli í seinni tíð. Verk hennar hafa verið sýnd í Singapúr, Malasíu, Grikklandi, Þýskalandi, Bretlandi og Japan.

Á sýningunni ber einnig að líta handsaumaða bók eftir ljósmyndarann sem gefin er út af Reminders Photography Stronghold galleríinu í Tókýó. Nánari upplýsingar [hér](https://huihsien.com/).

Ng Hui Hsien│Byrði hismisins

Sýning Ng Hui Hsien er tilraun listamannsins til að fanga tilfinningar sem kviknuðu í undirmeðvitund hennar við náttúruskoðun á Íslandi.

Ng Hui Hsien│­Byrði hism­isins

Sýning Ng Hui Hsien er tilraun listamannsins til að fanga tilfinningar sem kviknuðu í undirmeðvitund hennar við náttúruskoðun á Íslandi.

Ng Hui Hsien│Byrði hismisins