Ljósmyndasafn

Undanfarin fimmtán ár hefur norski listamaðurinn Nils Olav Bøe ljósmyndað agnarsmáar sviðsmyndir sem hann býr til í vinnustofu sinni.  Meðfram þeirri iðju býr hann til myndbands- og hljóðinnsetningar, þar sem ljósmyndirnar eru hluti af handriti verksins. 

Í myndröðinni "Samsett svæði" vinnur Bøe með tilvísanir úr fréttaljósmyndun, af félagslegum eða stjórnmálalegum toga, hvaðanæva  úr heiminum. Fréttaljósmyndir þessar notar hann sem útgangspunkt til þess að búa til þrívíða sviðsetningu í formi persóna og hluta í smækkaðri mynd í vinnustofunni. 


Afraksturinn er vanalega mjög frábrugðinn fyrirmyndinni. Hann hreinsar og endurskipuleggur mynd eftir sínu höfði, en þó reynir hann 
að halda sig í farvegi hennar til að fanga stemninguna. Svo setur hann lýsingu og ljósmyndar sviðsetninguna. 

Nils Olav ólst upp í Sognfirði í Vestur Noregi. Hann á að baki margar sýningar, þar á meðal í Berlín, New York og London. Verk hans eru að finna í ýmsum söfnum bæði á vegum opinberra- og einkaaðila. Nils Olav býr og starfar í Osló.


Nils Olav Bøe│Samsett svæði

"Samsett svæði" er yfirskrift sýningar í Skoti Ljósmyndasafns Reykjavíkur með verkum Nils Olav Bøe.

Nils Olav Bøe│­Sam­sett svæði

"Samsett svæði" er yfirskrift sýningar í Skoti Ljósmyndasafns Reykjavíkur með verkum Nils Olav Bøe.

Nils Olav Bøe│Samsett svæði