Ljósmyndasafn

Ljósmyndarinn og myndlistarmaðurinn Oddvar Örn Hjartarson hefur á undanförnum árum getið sér gott orð fyrir sviðsettar ljósmyndir sínar en myndheimur hans er einkar gáskafullur og litríkur. Styrkur Oddvars liggur ekki hvað síst í því hversu fjölhæfur hann er. Auk ofangreindra starfstitla er hann er mjög fær stílisti, hárgreiðslumaður og förðunarfræðingur og hefur starfað töluvert við það í auglýsingageiranum. Líklega er hann hvað þekktastur fyrir samstarf sitt við Pál Óskar en myndir hans af poppgoðinu, m.a. af metsölugeisladisk hans Silfursafninu eru alþekktar hér á landi.  

„Da Boyz“ er myndröð af sætum strákum þar sem regnbogalitir samkynhneigðra birtast í ýmsum formum en með þá vinnur Oddvar markvisst í sínum verkum.  

Sýningin IKAE & Da boyz er samsett úr tveimur hlutum; „IKAE“, sem á hugmyndafræðilegar rætur til svokallaðra IKEA mynda og Oddvar setur hér í glænýtt samhengi. „Da Boyz“ er myndröð af sætum strákum þar sem regnbogalitir samkynhneigðra birtast í ýmsum formum en með þá vinnur Oddvar markvisst í sínum verkum.  


Oddvar Örn Hjartarson (f.1977) útskrifaðist útskrifaðist með BA gráðu frá LHÍ 2003 og sem förðunarfræðingur frá EMM School of Make up árið 2005. Hann lauk sveinsprófi í ljósmyndun  frá Medieskolerne í Viborg, Danmörku árið 2009 og mun ljúka sveinsprófi í háriðn frá Tækniskólanum árið 2011.   

Oddvar│IKAE & Da boyz

"IKAE & Da boyz "er yfirskrift sýningar í Skoti Ljósmyndasafns Reykjavíkur með verkum Oddvars