Óskar Kristinn Vignisson │Hið ósagða 

Ljósmyndasafn

Ljósmyndin er miðill sem gerir listamönnum kleift að nálgast og rannsaka viðfangsefni sín á náinn hátt og þannig vinnur Óskar Kristinn með hana. Fyrir honum er ljósmyndin tímabundin rannsókn á viðfangsefni sem tekur svo enda og eftir stendur hún sem niðurstaðan.

Oftar en ekki hefur valið á viðfangsefninu persónulegt og tilfinningalegt gildi fyrir hann – sem er hans nánasta umhverfi. Á sýningunni "Hið ósagða" rannsakar Óskar Kristinn samband sitt við afa sinn á hans griðastað.  Viðfangsefnið er hið ósagða – andrúmsloftið sem ekki hefur skiljanleg orð. Bakgrunnur og nánd sem áhorfendur geta skynjað í gegnum glugga. Nándin er aldrei á yfirborðinu, hún er fíllinn í herberginu. Hið ósagða getur oft tekið mesta plássið. 


Á sýningunni "Hið ósagða" rannsakar Óskar Kristinn samband sitt við afa sinn á hans griðastað.  

Andrúmsloft sem samt er hversdagslegt í umhverfi sem áhorfendur þekkja úr eigin lífi. Umhverfið, bæði náttúra og fólk, sem hefur svo bein áhrif á okkur. Óskar Kristinn leitast við að ná því andrúmslofti sem hann persónulega tengir við staðinn og fólkið. Því sem veitir þessum tiltekna stað dulda en um leið sýnilega virkni.
Óskar Kristinn Vignisson (f. 1989) lauk BA gráðu af myndlistarbraut frá Listaháskóla Íslands árið 2014. 

Hann hefur tekið þátt í nokkrum samsýningum, m.a. Boom Bang II í Contemporary Art Northampton, Englandi árið 2015, Orðið/ Become í Nýlistasafninu árið 2012 á sýningunni Samtímalandslagið í Ljósmyndasafni Reykjavíkur árið 2013.  Óskar Kristinn hefur einnig fengist við kvikmyndagerð í auknum mæli frá útskrift og stefnir hugur hans í framhaldsnám í greininni. 


Óskar Kristinn Vign­isson │Hið ósagða

Sýning Óskars Kristins Vignissonar "Hið ósagða" er sýnd í Skoti Ljósmyndasafns Reykjavíkur.

Óskar Kristinn Vignisson │Hið ósagða