Ljósmyndasafn

Verkið "Found" er myndröð sem byggist upp á myndum sem eru tvær myndir í einni; skyndimyndir frá sjöunda áratugnum sem fundust á flóamarkaði í Kanada, og myndir teknar af henni sjálfri í dag. 

Oft þarf að stilla hlutum upp með einhverju öðru til að það öðlist gildi. Í "Found" sjáum við týndar og hversdagslegar myndir, sem segja má að séu ekki metnar að verðleikum, í nýju ljósi með því að tengja þær við aðrar. Samt sem áður er þetta ljósmynd, frá fjarlægum tíma með annarri tækni og ætlun.  Séð í þessu samhengi, verður til sjónræn skírskotun og möguleiki skapast til að tengja við annað. "Found" er rými þar sem mynd hittir fyrir bergmál sitt, 50 árum síðar – fölsk endurupplifun.

Í verkefninu er óendanlegu magni hversdagsmynda hampað; þeim fundnu, þeim týndu, myndunum sem enginn mun hafa tíma til að skoða, þeim venjulegu og þeim upphöfnu. 

Í verkefninu er óendanlegu magni hversdagsmynda hampað; þeim fundnu, þeim týndu, myndunum sem enginn mun hafa tíma til að skoða, þeim venjulegu og þeim upphöfnu. Myndunum sem fylgir tómleiki gleymdra minninga, þeim ónothæfu, slæmu, og að síðustu, athöfninni að skoða og ljósmynduninni sjálfri.

Myndröðin "Dot" sýnir á stafrænan máta úrval mynda eftir Paulu. Titillinn breytir upplifun okkar af heildinni, allar myndirnar tengdar með “punkti”, sjáum við eina eftir annarri. Punkturinn breytir hins vegar um lit, umfang og jafnvel lögun. Hann gefur innsýn í röðun ljósmynda og hvernig mismunandi myndir geta tengst á einfaldasta hátt og búið til reglu úr óreglu.


Paula Prats (fædd 1986) er með BA gráðu í myndlist frá San Carlos listaháskólanum í  Valencia á Spáni. Í framhaldi af því nam hún ljósmyndun við háskólana Emily Carr Art+Design í Vancouver, Kanada og við Middlesex háskólann í London. Hún hefur sýnt bæði á Spáni og víðar; Bretlandi, Kanada og Mexíkó. 

Paula Prats│Found / Dot

"Found / Dot" er yfirskrift sýningar í Skoti Ljósmyndasafns Reykjavíkur með verkum Paulu Prats.

Paula Prats│­Found / Dot

"Found / Dot" er yfirskrift sýningar í Skoti Ljósmyndasafns Reykjavíkur með verkum Paulu Prats.

Paula Prats│Found / Dot