FÍSL – Félag íslenskra samtímaljósmyndara 2025 

Ljósmyndasafn

Sýningunni er ætlað að leggja fram hugleiðingar um stöðu ljósmyndunar í samtímalist og í listasögunni. Sýningin kannar einnig hvernig hægt er að skilgreina ljósmyndun á óhefðbundinn hátt þar sem listamennirnir kanna tengsl mannsins við umhverfi sitt. 

Í verkunum sem listamennirnir hafa unnið út frá sýningarhugmyndinni, sjáum við ummerki eftir manninn en mannveran er hvergi sjáanleg. Sýndar verða ljósmyndir af yfirgefnu landslagi þar sem við sjáum einungis óhlutbundin eða hlutbundin ummerki, ýmist í náttúrunni, innanhúss, í borgarlandslaginu, eða í samfélagslegu samhengi.


Listamennirnir sextán nota ljósmyndamiðilinn á ólíkan hátt og vinna með mismunandi þemu. Sumar ljósmyndirnar sýna náttúruna í allri sinni dýrð þar sem finna má sterkt fyrir því hversu lítil mannveran er í samanburði við náttúruöflin. Í öðrum verkum sjáum við yfirgefið landslag þar sem sjónum er beint að umhverfisvernd með skírskotun í umhverfisvá og neysluhyggju. 

Ummerki eftir manninn í þessari náttúrulegu villtu fegurð eru augljós. Á sumum myndunum sjáum við hversdagslega atburði sem auðvelt er að tengja við. Listamennirnir tjá sig einnig um pólitískar og félagslegar afleiðingar opinberra rýma. Sumstaðar er hlutverk höfundar í sífellt stafrænni heimi kannað og þeirri spurningu stillt fram hvort ekki sé lengur hægt að heimfæra sköpunargáfuna til mannshugans, heldur einnig til þess stafræna. 


Sýnendur eru: 

- Einar Falur Ingólfsson
- Nina Zurier
- Stuart Richardson
- Eva Schram
- Hallgerður Hallgrímsdóttir
- Katrín Elvarsdóttir
- Bjargey Ólafsdóttir
- Bára Kristinsdóttir
- Jóna Þorvaldsdóttir
- Björn Árnason
- Kristín Sigurðardóttir
- María Kjartansdóttir
- Bragi Þór Jósefsson
- Valdimar Thorlacius
- Claire Paugam
- Þórsteinn Svanhildarson


Sýningarstjóri: Daría Sól Andrews


Veðrun │ samsýning á verkum félaga í FÍSL – Félags íslenskra samtímaljósmyndara

"Veðrun": samsýning á verkum félaga í FÍSL – Félags íslenskra samtímaljósmyndara í Ljósmyndasafni Reykjavíkur er hluti af Ljósmyndahátíð Íslands 2025.

Veðrun │ samsýning á verkum félaga í FÍSL – Félags íslenskra samtíma­ljós­myndara

"Veðrun": samsýning á verkum félaga í FÍSL – Félags íslenskra samtímaljósmyndara í Ljósmyndasafni Reykjavíkur er hluti af Ljósmyndahátíð Íslands 2025.

Veðrun │ samsýning á verkum félaga í FÍSL – Félags íslenskra samtímaljósmyndara