DJ Andrea J þeytir skífum á Menn­ing­arnótt

Tónlist úr íslenskri tónlistarsögu í gegnum tíðina mun óma um safnið og skapa lifandi tengingu við ljósmyndasýningu Gunnars V. Andréssonar, „Samferðamaður“ sem nú stendur yfir á safninu. Sýningin samanstendur af fjölmörgum ljósmyndum sem fanga meðal annars augnablik úr lífi og starfi margra af þekktustu tónlistarmönnum þjóðarinnar. Viðburðurinn er hluti af fjölbreyttri dagskrá Borgarsögusafns á Menningarnótt. Aðgengi er gott á Ljósmyndasafninu og leiðsöguhundar eru velkomnir í safnið.