Fjölskyldufjör á safnadaginn - frítt inn!
Velkomin á Ljósmyndasafn Reykjavíkur á Safnadaginn. Frítt inn í tilefni dagsins!
Við á Ljósmyndasafninu fögnum safnadeginum með því að bjóða fjölskyldum að taka þátt í skemmtilegum þrautum og leikjum – fullkomin leið til að skoða nýju sýninguna „Samferðamaður“ með gleði og leik í farteskinu! Sýningin sýnir stórbrotinn feril fréttaljósmyndarans Gunnars V. Andréssonar sem spannar meira en 50 ár – frá 1966 til 2017! Í tilefni Alþjóðlega safnadagsins, 18. maí, er frítt inn – tilvalið tækifæri til að njóta listar, leiks og samveru! Aðgengi er gott og leiðsöguhundar eru hjartanlega velkomnir. Næstu strætóstoppistöðvar: Hafnarhús, Lækjartorg, Ráðhúsið – aðeins 2–5 mínútna gangur. Bílastæði eru við Grófarhús og í nálægum bílastæðahúsum eins og við Vesturgötu.