Fornar rætur - Kynning á fornleifarannsókn á bæjarstæði Árbæjar
Fornleifarannsóknin Fornar rætur Árbæjar, sem stendur yfir á bæjarstæði Árbæjar, verður kynnt fimmtudaginn 5. júní kl. 20. Ókeypis inn og öll velkomin!
Sólrún Inga Traustadóttir, stjórnandi rannsóknarinnar, ásamt Björk Magnúsdóttur, fornleifafræðingi, munu leiða gesti og gangandi um uppgraftarsvæðin á bæjarstæðinu og segja frá fornleifum og gripum sem hafa komið í ljós. Leiðsögninni lýkur á sýningu um rannsóknina í einu safnhúsanna þar sem boðið verður upp á kaffi og kleinur. Aðgengi: Gangstígar á safnsvæðinu eru flestir malarstígar. Inn í flest húsin er gengið upp eitt þrep eða yfir þröskuld. Hjálparhundar eru velkomnir í safnið. Strætisvagnar: Næsta stoppistöð heitir Árbæjarsafn (1 mín. gangur). Aðrar nálægar stoppistöðvar heita Laxakvísl og Fagribær (5-6 mín. gangur). Bílastæði fyrir hreyfihamlaða eru við inngang safnsins. Öll bílastæði eru ókeypis.