Jazz með Rebekku Blöndal á Menningarnótt
Í tilefni af Menningarnótt mun tónlistarkonan Rebekka Blöndal flytja hugljúfa jazztónlist á Ljósmyndasafni Reykjavíkur laugardaginn 22. ágúst kl. 18:00-19:00. Með Rebekku leikur Daði Birgisson á hljómborð. Á efnisskránni er blanda af tónlist Rebekku, jazzi og íslenskum dægurlögum. Aðgangur er ókeypis og öll eru velkomin.
Viðburðurinn er hluti af fjölbreyttri dagskrá Borgarsögusafns á Menningarnótt. Aðgengi er gott á Ljósmyndasafninu og leiðsöguhundar eru velkomnir í safnið.