Jöklar og lón - Skuggasmiðja í vetrarfríinu
Verið velkomin í skapandi skugga- og klippismiðju fyrir börn og fjölskyldur á Ljósmyndasafninu í vetrarfríinu, 19.-22. febrúar. Frítt inn fyrir fullorðna í fylgd með börnum allt vetrarfríið! Smiðjan tengist sýningunni Sofandi risar þar sem Kristján Maack sýnir myndir af jöklum þar sem „sofandi risar“ verða til og hverfa. Í smiðjunni klippum við út allskyns verur og jökla og skoðum hvernig skuggamyndir verða til. Smiðjan er opin og sveigjanleg – komið þegar ykkur hentar og takið þátt á ykkar hraða.
Aðgengi er gott á Ljósmyndasafninu og leiðsöguhundar eru velkomnir í safnið.