Klippi- og litasmiðja í haustfríinu
Verið velkomin á Landnámssýninguna í Aðalstræti í haustfríinu 24.-28. október kl. 10-17. Á staðnum verða fullt af skemmtilegum dúkkulísum, grímum og litablöðum sem gaman er að klippa út og lita. Ókeypis inn og öll velkomin! Viðburðurinn er hluti af haustfrísdagskrá Borgarsögusafns. Frítt er inn á alla sýningarstaði safnsins fyrir fullorðna í fylgd barna dagana 24.-28. október.
Aðgengi er gott í Aðalstræti. Athugið þó að það er fremur lítil lýsing inni í sýningarsal hjá skálarústinni og þar er gólfið ójafnt á köflum. Leiðsöguhundar eru velkomnir í safnið. Strætisvagnar stoppa við Ráðhúsið (2 mín. gangur) og í Lækjargötu (5 mín. gangur).