Bóka skólahóp

„Við viljum koma á framfæri innilegu þakklæti fyrir frábæra aðstöðu og móttöku. Þessi ferð var útskriftarferð elstu barnanna og skapaði dýrmætar minningar fyrir alla sem tóku þátt. Aðstaðan var til fyrirmyndar og börnin skemmtu sér svo vel að þau vildu helst bara fá að gista og vera lengur. Það segir allt sem segja þarf um hversu vel tókst til. Starfsmenn nutu þess einnig að taka þátt og höfðu jafn gaman af upplifuninni. Takk kærlega fyrir okkur – við hlökkum mikið til að koma aftur!“

Viðey, Naustið, maí 2026, leikskólinn Brákarborg.

„Takk kærlega fyrir okkur. Virkilega skemmtileg og áhugaverð sýning. Börn og starfsfólk voru öll mjög ánægð með sýninguna. Jón Páll fær 10/10 fyrir frábæra kynningu, var skemmtilegur og náði virkilega vel til barnanna.“

Landnámssýningin Aðalstræti, Komdu og skoðaðu landnámsdýrin, maí 2026, Leikskólinn Vinaminni.

„Takk kærlega fyrir okkur í dag og í gær. Það var vel tekið á móti okkur og virkilega skemmtileg Lubbastund. 2021 börnin í Dalskóla eru mjög ánægð með frábæra heimsókn.“

Árbæjarsafn, Lubbi á Árbæjarsafni, apríl 2026, Leikskólahluti Dalskóla.

„Takk fyrir frábæra leiðsögn um Óðinn. Komum aftur að ári, ekki spurning!“

Sjóminjasafnið, Varðskipið Óðinn, apríl 2026, Leikskólinn Sólborg.

„Takk kærlega fyrir stórkostlega og frábæra leiðsögn og kynningu á landnáminu. Stúlkurnar voru mjög glaðar og náðu dýpri tengingu við efnið sem þær hafa verið að læra um í skólanum. Svo frábært hvernig þið hélduð þeim við efnið með áhuga, vel sett fram í alla staði. Er búin að segja öðrum kennurum frá og mun örugglega koma aftur með hóp.“

Landnámssýningin Aðalstræti, Lífið á landnámsöld, apríl 2026, Barnaskólinn í Garðabæ.

„Okkur langar að þakka fyrir okkur í dag, þetta var skemmtileg og fróðleg fræðsla og viljum við hrósa ykkur fyrir góð störf.“

Árbæjarsafn, Verk að vinna, apríl 2026, Borgaskóli.

„Takk fyrir að taka á móti okkur í Sjóminjasafninu í morgun. Skemmtileg og fróðleg sýning og börnunum fannst "æðislega" gaman. Bestu kveðjur frá Hulduheimum“

Sjóminjasafn, mars 2026, Leikskólinn Hulduheimar.

„Takk fyrir okkur ferðin á Árbæjarsafn var mjög skemmtileg (leitin af lubbabeinum) Birna sem til á móti okkur mjög flott og rútuferðin þægileg sem við nýttum í baka leiðina og komum tímalega í matinn!..“

Árbæjarsafn, febrúar 2026, Leikskólinn Furuskógur.

„Við viljum senda stórt hrós til ykkar fyrir metnaðarfulla og áhugaverða móttöku á landnámssýningunni í síðustu viku. Þetta var mjög fræðandi og krökkunum fannst ótrúlega skemmtilegt og töluðu mikið um sýninguna eftir á.“

Landnámssýningin í Aðalstræti, febrúar 2026, Helgafellskóli.

„Vorum mjög ánægð með heimsóknina í alla staði.“

Árbæjarsafn, júní 2025, Leikskóli Hjallastefnunnar.