Sjóminjasafn
Sögur af sjó og landi
Af sýningunni "Fiskur og fólk - sjósókn í 150 ár". Ljósmynd: Vigfús Birgisson, 2026.
Á Sjóminjasafninu í Reykjavík er boðið upp á grunnsýninguna „Fiskur og fólk – sjósókn í 150 ár“. Sýningin einkennist af lifandi stemningu sem eykur á djúpa upplifun gesta í gegnum ríkulegt myndefni og gagnvirkni. Auk þess eru á safninu tímabundnar sýningar í Vélasal og Bryggjusal ásamt varðskipinu Óðni og dráttarbátnum Magna, sem liggja bundnir við safnabryggjuna.
Húsnæði Sjóminjasafnsins árið 1969 sem þá hýsti Bæjarútgerð Reykjavíkur (Búr). Konur við vinnu í fiskvinnslusal, Grandagarður 8. Ljósmyndari: Ásgeir Árnason
Sýningar
Viðburðir
Heimsókn frá konunglegu rannsóknarskipi á Menningarnótt - RRS Sir David Attenborough
Í tilefni af Menningarnótt, þann 22. ágúst kl. 10:00-20:00, standa Breska heimskautarannsóknastofnunin (British Antarctic Survey), Breska sendiráðið og Sjóminjasafnið í Reykjavík saman að móttöku konunglega rannsóknarskipsins RRS Sir David Attenborough til Íslands. Skipið kemur við í Reykjavík á leið sinni heim úr rannsóknarleiðangri þar sem bráðnun jökla á Grænlandi var skoðuð. Komið við á safninu og skoðið sérstaka pop-up sýningu þar sem hægt verður að fræðast um skipið, hitta áhöfnina og vísindamennina um borð og heyra hvers vegna rannsóknir á Grænlandi skipta okkur öll máli. Aðgangur er ókeypis og öll eru velkomin.
Vísindaspjall á Menningarnótt- „Jökulhetta Grænlands bráðnar hraðar en nokkru sinni fyrr - hvað þýðir það fyrir hafstrauma í Atlantshafi og veðurfar í Evrópu?“
Í tilefni af heimsókn konunglega rannsóknarskipsins Sir David Attenborough á Menningarnótt, stendur Alison Cook, nýdoktor í heimskautatengdri landupplýsingagreiningu (Polar Geospatial Analysis) við skosku hafrannsóknarstofnunina (Scottish Association for Marine Science) fyrir svokölluðu vísindaspjalli sem ber titilinn: „Jökulhetta Grænlands bráðnar hraðar en nokkru sinni fyrr - hvað þýðir það fyrir hafstrauma í Atlantshafi og veðurfar í Evrópu?“. Spjallið fer fram á ensku þann 22. ágúst kl. 14:00-14:30. Aðgangur er ókeypis og öll eru velkomin.
Varðskipið Óðinn
Varðskipið Óðinn. Ljósmynd: Vigfús Birgisson, 2026
Boðið er upp á daglegar leiðsagnir út í varðskipið Óðinn á tímabilinu 1. mars til 31. október þar sem þorskastríðin og björgunarsaga skipsins eru í brennidepli.
Dráttarbáturinn Magni
Magni var fyrsta stálskipið sem smíðað var á Íslandi og gengdi hlutverki sínu fyrir Reykjavíkurhöfn með miklum sóma allt til ársins 1987.
Útleiga
Safnverslun
