Ljósmyndasafn
Augnablik tímans – 1860 til okkar daga
Ljósmyndasafn Reykjavíkur er einn helsti vettvangur ljósmyndunar á Íslandi, bæði sem sögusafn og varðveislustaður, sem og á sviði samtímaljósmyndunar.
9. júlí 1945, Kaupskipið Esja kemur til Reykjavíkurhafnar með um 300 íslenska farþega frá Kaupmannahöfn sem höfðu orðið innlyksa á Norðurlöndunum er síðari heimsstyrjöldin skall á 1939. Ljósmynd: Sigurhans Vignir.
Sýningar
Viðburðir
Opnun I Vatn
Verið velkomin á opnun sýningarinnar Vatn í Skotinu á Ljósmyndasafni Reykjavíkur föstudaginn 6. nóvember kl. 16-18. Veitingar í boði. Vatn nefnist sjöunda sýning félaga úr Fókus félagi áhugaljósmyndara sem mun taka yfir sýningarrýmið SKOTIÐ árið 2026. Sýningin er jafnframt lokasýning ársins á vegum Fókus. Á Vísindavef Háskóla Íslands er að finna eftirfarandi skýringu á því hvað er vatn: „Vatnið er í samfelldri hringrás: það gufar upp úr sjónum á suðlægari breiddargráðum, berst inn yfir landið þar sem það þéttist og fellur til jarðar, streymir aftur til sjávar í vatnsföllum eða berst niður í berggrunninn sem grunnvatn - og þaðan til sjávar aftur með tímanum.” Á þessari sýningu sjáum við ljósmyndara fanga ýmiss konar birtingarmyndir vatnsins bæði í föstu og fljótandi formi. Þar sem það lemur ströndina, flæðir til hafs eða er í föstu formi og bíður geisla sólar til að leysa sig úr fjötrum. Sýnendur eru: ● Arngrímur Blöndahl ● Brynja Jóhannsdóttir ● Finnur P Fróðason ● Jóhann Guðni Reynisson ● Jóhanna Ingimundardóttir ● Lárus St. Guðmundsson ● Sigríður Jóna Kjartansdóttir
Myndasafn
Ljósmyndarýni
Safnverslun
