Sjóminjasafn
Sögur af sjó og landi
Fiskur og fólk - sjósókn í 150 ár.
Á Sjóminjasafninu í Reykjavík er boðið upp á grunnsýninguna „Fiskur og fólk – sjósókn í 150 ár“. Sýningin einkennist af lifandi stemmningu sem eykur á djúpa upplifun gesta í gegnum ríkulegt myndefni og gagnvirkni. Auk þess eru á safninu tímabundnar sýningar í Vélasal og Bryggjusal ásamt varðskipinu Óðni og dráttarbátnum Magna, sem liggja bundnir við safnabryggjuna.
Húsnæði Sjóminjasafnsins árið 1969 sem þá hýsti Bæjarútgerð Reykjavíkur (Búr). Konur við vinnu í fiskvinnslusal, Grandagarður 8. Ljósmyndari: Ásgeir Árnason
Sýningar
Viðburðir
Finndu sjávardýrin! Ratleikur í vetrarfríinu
Getur þú fundið sjávardýrin? Verið velkomin í ratleik á Sjóminjasafninu í Reykjavík í vetrarfríinu, 19.-22. febrúar kl. 10-17. Frítt inn fyrir fullorðna í fylgd með börnum allt vetrarfríið! Finndu sjávardýrin! er léttur og skemmtilegur ratleikur sem leiðir ykkur um sýninguna Fiskur & fólk - sjósókn í 150 ár. Markmiðið er að finna ýmis konar sjávardýr sem hafa falið sig víðsvegar um sýninguna. Um leið og leitað er að sjávardýrunum má fræðast um sögu fiskveiða á Íslandi, frá því árabátar viku fyrir stórskipaútgerð á síðustu áratugum 19. aldar og allt fram yfir aldamótin 2000.
Ferðakistur - Fjölskyldusmiðja í vetrarfríinu
Förum í leiðangur! Verið velkomin í fjölskyldusmiðju á Sjóminjasafninu í Reykjavík í vetrarfríinu 19.-22. febrúar kl. 10-17. Frítt inn fyrir fullorðna í fylgd með börnum allt vetrarfríið! Ímyndaðu þér að þú sért að fara í langa ferð yfir hafið. Þú ferð með skipi og færð eina stóra ferðakistu til að setja allt sem þú þarft í leiðangrinum. Á 19. öld fóru landkönnuðir og vísindamenn í langar og erfiðar ferðir yfir hafið til að rannsaka ný lönd. Paul Gaimard var franskur náttúrufræðingur sem kom til Íslands árið 1835 með stóran hóp vísindamanna. Þeir komu með koffort og kistur fullar af búnaði sem þeir þurftu til að lifa af og vinna sína rannsóknarvinnu. Í koffortunum voru ótrúlegustu hlutir. Hvað myndir þú taka með?
Varðskipið Óðinn
Varðskipið Óðinn
Boðið er upp á daglegar leiðsagnir út í varðskipið Óðinn á tímabilinu 1. mars til 31. október þar sem þorskastríðin og björgunarsaga skipsins eru í brennidepli.
Dráttarbáturinn Magni
Magni var fyrsta stálskipið sem smíðað var á Íslandi og gengdi hlutverki sínu fyrir Reykjavíkurhöfn með miklum sóma allt til ársins 1987.
Útleiga
Safnverslun
