Árbæj­arsafn

Leiðsögumaður fer með gesti í öll helstu hús Árbæjarsafns og segir frá sögu þeirra. Leiðsögnin fer að mestu fram á ensku og tekur rúma klukkastund.

Harmóníkuhátíð Reykjavíkur verður venju samkvæmt haldin í samstarfi við Árbæjarsafn, sunnudaginn 13. júlí og stendur frá kl. 13 til 16.

Föstudaginn 18. júlí, verður haldið upp á Dag íslenska fjárhundsins á Árbæjarsafni. Hægt verður að heilsa upp á hunda og eigendur þeirra sem glaðir svara öllum spurningum um hinn íslenska fjárhund. Hundarnir eru ljúfir og spakir og óhætt er að klappa þeim með leyfi eigenda.

Í sumar verður haldið upp á hálfrar aldar afmæli ISLEK – norræns þjóðdansamóts sem hefur sameinað dansáhugafólk frá Norðurlöndunum allt frá árinu 1975. Í ár fer mótið fram í níunda sinn, en laugardaginn 19. júlí munu þjóðbúningaklæddir gestir frá Grænlandi, Íslandi, Færeyjum, Noregi, Svíþjóð, Danmörku og Finnlandi stíga þjóðdansa víðsvegar um safnsvæði Árbæjarsafns. Frá 14:00 til 16:00 munu gestir og gangandi geta notið þess að sjá fjölbreytta dansa og litríka búninga sem endurspegla menningararf Norðurlandanna. Verið öll velkomin!

Sunnudaginn 20. júlí kl 13-16 verður boðið upp á hina árvissu og vinsælu fornbílasýningu á Árbæjarsafni. Fornbílaklúbbur Íslands sýnir ýmsa merka bíla í eigu félagsmanna á safnsvæðinu. Félagsmenn verða á staðnum og spjalla við gesti. Kl. 14-15 stígur hljómsveitin Korsiletturnar á stokk, en þau sérhæfa sig í swing og djass tónlist frá 3. til 6. áratugs síðustu aldar. Hljómsveitin samanstendur af söngvara tríó, gítar- og trommuleikara. Ljúfir djass standardar í bland við frumsamið efni og hittara síðustu ára í gamaldags búningi.

Verið velkomin á Árbæjarsafn sunnudagana 15. júní og 27. júlí kl. 13–16. Þar gefst einstakt tækifæri til að kynnast sveitalífi fyrri tíma í lifandi umhverfi.