Borg­ar­sögu­safn
Sagan okkar

Þann 27. maí kl. 16:00-17:00 verður flutt þriðja erindið í fyrirlestraröðinni Þriðjudagsþræðir á Landnámssýningunni Aðalstræti. Ókeypis inn og öll velkomin! Í þetta sinn mun Rakel Jónsdóttir þjóðfræðingur kynna nýlega rannsókn sína á frískápum á Íslandi, SAMKENNDARSKÁPAR: AF FRÍSKÁPUM OG ÓSÝNILEGU HEIMILISFÓLKI. Frískápar eru deili-ísskápar sem eru staðsettir utandyra í almannarými en þangað getur hver sem er komið með mat til þess að setja í ísskápana og sömuleiðis sótt sér þann mat sem það vill.

Brúðubíllinn snýr aftur eftir 4 ára pásu og frumsýnir leikritið „Leikið með liti“ á Árbæjarsafni þriðjudaginn þann 3. júní kl. 14. Þá munu Lilli, Dúskur, Dónadúskur, Dúskamamma, tröllið undir brúnni og dýrin í Afríku mæta á svæðið og syngja og dansa fyrir okkur.

Í tilefni þess að það er loksins komið sumar býður Borgarsögusafn upp á leiðsögn á táknmáli í Viðey laugardaginn 7. júní kl. 13:15.

Borgarsögusafn býður upp á leiðsögn í Viðey fyrir fólk sem er að læra íslensku. Leiðsögnin verður laugardaginn 14. júní kl. 13:15–15:30. Katleen Abbeel mun leiða hópinn og talar auðskiljanlega íslensku.

Um verslunarmannahelgina verður venju samkvæmt blásið til fjölbreyttrar leikjadagskrár á Árbæjarsafni.

Börnum verða sagðar þjóðsögur í Viðey í skemmtilegri náttúrugöngu fyrir alla fjölskylduna með Björk Bjarnadóttur umhverfis- og þjóðfræðingi.