Borgarsögusafn
Sagan okkar
Við bjóðum upp á tvo viðburði í samstarfi við Unglist, listahátíð ungs fólks.
Árið 2026 mun Fókus – Félag áhugaljósmyndara taka yfir sýningarrýmið SKOTIÐ í Ljósmyndasafni Reykjavíkur. Fókus er félag áhugaljósmyndara á höfuðborgarsvæðinu sem stofnað var árið 1999. Það er frábær vettvangur fyrir fólk sem vill þróa ljósmyndafærni sína og hæfileika. Ljósmyndsafn Reykjavíkur er fullt tilhlökkunar fyrir komandi samstarfi og hlakkar til að kynna fyrir gestum safnsins starfsemi félagins og þeirra góðu félagsmanna. Nánari dagskrá verður kynnt síðar.
Ljósmyndasafn
Á sýningunni "Samferðamaður" er farið yfir ríflega fimmtíu ára feril Gunnars V. Andréssonar fréttaljósmyndara – frá 1966 til 2018.
Staðirnir okkar
Viðburðir
Bráðum koma blessuð jólin - Jóladagskrá Árbæjarsafns
Bráðum koma blessuð jólin er yfirskrift jóladagskrár Árbæjarsafns sunnudagana 7. og 14. desember en þá daga gefst gestum tækifæri að njóta aðventunnar og upplifa jólin eins og þau voru í Reykjavík í þá gömlu góðu daga. Jólaundirbúningur er í fullum gangi í bænum. Í Árbæ sker fólk út laufabrauð, kembir ull og spinnur garn. Í Hábæ bjóða húsbændur gestum að smakka íslenskt hangikjöt og í Nýlendu tálgar maður skemmtilegar fígúrur úr tré. Kæsta skatan er komin í pottinn í Efstabæ og í Miðhúsum eru prentuð falleg jólakort. Í hesthúsinu í Garðastræti eru hjúin í óðaönn að steypa kerti úr tólgi. Jólahald heldra fólks við upphaf 20. aldar er sýnt í Suðurgötu 7 og í Krambúðinni er kramarhús, konfekt og ýmis jólavarningur til sölu. Kaffiilmur berst frá Dillonshúsi en þar er upplagt að setjast niður fá sér tíu dropa og smá bakkelsi með. Helstu viðburðir: 14:00-16:00 Jólasveinar skemmta gestum á víð og dreif um safnsvæðið og taka þátt í söng og dansi. 14:00 Guðsþjónusta í safnkirkjunni 15:00 Sungið og dansað í kringum jólatréð á torgi safnsins Frítt inn fyrir börn, öryrkja og menningarkortshafa. Aðrir greiða 2.450 kr. Vinsamlegast athugið að dagskráin endar kl. 16 en safnið er opið til kl. 17.
