Borg­ar­sögu­safn
Sagan okkar

Verið velkomin í leiðsögn á ensku um Landnámssýninguna Aðalstræti 10 og 16. Leiðsagnirnar fara fram á virkum dögum kl. 11 frá 1. júní til 21. ágúst.

Leiðsögumaður fer með gesti í öll helstu hús Árbæjarsafns og segir frá sögu þeirra. Leiðsögnin fer að mestu fram á ensku og tekur rúma klukkastund.

Verið velkomin í leiðsögn um borð í hinu sögufræga Varðskipi Óðni. Leiðsagnirnar fara fram á hverjum degi kl. 13, 14 og 15 frá 1. mars til 31. október. Í leiðsögninni eru þorskastríðin og björgunarsaga skipsins eru í brennidepli.

Sunnudaginn 9. ágúst kl. 13 og 14:30 gefst tækifæri til að fara í skoðunarferð um varðveisluhúsin á Árbæjarsafni í fylgd með sérfræðingum safnsins. Skráning er nauðsynleg og fer fram hér: https://outlook.office.com/book/vidburdir_borgarsogusafn@reykjavik.is/?ismsaljsauthenabled. Aðgangseyrir að safninu er greiddur á staðnum.

Kúmenfræin í Viðey eru orðin fullþroskuð til að tína og þér er boðið í fræðandi uppskeruferð þann 15. ágúst kl. 13:15. Björk Bjarnadóttir, umhverfis- og þjóðfræðingur leiðir tínsluna og segir gestum frá sögu kúmensins og fleiru sem tengist Viðey. Vinsamlegast kaupið miða í ferjuna fyrirfram á elding.is Gestir eru hvattir til að taka með sér taupoka, lítinn hníf eða skæri. Siglt verður frá Skarfabakka kl. 13:15. Björk tekur á móti gestum göngunnar við kirkjuna úti í Viðey. Gangan sjálf tekur um 1,5-2 klst. Ferjan siglir tilbaka að göngunni lokinni.

Sunnudaginn þann 16. ágúst kl. 13-16 eiga gestir kost á að eignast blómvönd beint úr beði. Blómdís blómahönnuður kennir gestum hönnun og samsetningu blómvanda úr sumarblómum sem hafa verið ræktuð á Árbæjarsafni í sumar.